ZPM ṭhalaiin mal din an thláwp

Zoram People's Move­ment (ZPM) ṭhalai office bearer-te tun hnaia ṭhukhawm chuan resolution an pass a; Mizoram puma village council leh Aizawla local council inthlan awm turah ZPM General Headquarters-in thawhpui nei loa mal din tura thutlukna an siam chu an thlàwp thu an tarlang.

Meeting hi ZPM ṭha­lai president Malsawm­zuala'n a kaihruai a; kalphung thar hmanga Zoram khaichhuak tura mipui beisei an nih ang­in, fimkhur tak chunga chak tak leh huai taka kal zel turin an infuih. Tun hmaa party inbeihna atana kawng chhe laia buh tuh emaw, sangha chhuah ang chi te, khawi lai emawa innêk buai rup rup ang chite chu ṭha an tih loh thu an puang.

ZPM ṭhalai chuan, Pathian leh Zoram mipui malsawmna dawng tlaka fîm tak leh puitling taka hmalak te, kum kal taa an lo rêl tawh anga party hminga donation khawn ang chi reng reng tih lohte leh Citizenship Amendment Act dodal zel an tum thute an tarlang bawk.