Thlawhtheihnaa harsatna thlen

New Delhi-a chám mek chief minister Zoramthanga chuan February 26, Thawhlehni tlai khan Civil Aviation minister Suresh Prabhakar Prabhu a pisaah a hmu a, Mizoramin thlawhtheihna chungchanga harsatna a tawhte a thlen a, "Jet Airways-in Mizorama direct flight service an tihtawp avangin Mizoram mipui bakah, hna pawimawh thila Mizorama lut duhte tan harsatna an tâwk. A bik takin damlo inentir turte tan buaina a thleng a ni," a ti. Suresh Prabhakar Prabhu chuan, Mizoram harsatna chu a hriatpui thu Chief Minister a hrilh a, a sutkianna tura hmalak dan tur an sawi dun a ni.