Police-in CCTNS chungchang zirho

CID (Crime) chuan nimin khan Police Headquarters-a Arya Mess-ah ni hnih awh tur 'Training on CCTNS for Police Officers of Mizoram' an buatsaih a, IGP (Law & Order) LH Shanliana'n a hawng.

LH Shanliana chuan, information technology hmanga police thuam chakna tura National e-Governance Plan (NeGP) hnuaia project pawimawh tak pakhat, CCTNS chungchang uluk zawka inzirtirna atan training buatsaih a ni thei chu lawmawm a tih thu a sawi a, "India ram pumpuia police-te nena inthlun zawmna ṭha zawk leh kan hnathawhte awlsam zawka kan inhrilh zung zung theihna turin CCTNS hi hmanraw pawimawh a ni," a ti.

Training-ah hian SP pali, additional SP leh deputy commandant 11 leh SDPO leh deputy SP pakua an tel a; National Crime Records Bureau, Delhi-a mithiamte'n CCTNS chungchang an zirtir a ni.