Best NICRA Award 2019 dawng

KVK Hnahthial, Lunglei district chuan project kal pui mek, National Innovation on Climate Resilient Agriculture (NICRA) an kalpui danah an thawh ṭhat avangin nimin khan Best NICRA Award 2019 an dawng.

Thu dawn danin, KVK Lunglei district hian kum 2011 aṭangin NICRA project hi ICAR hnuaia CRIDA enkawlna hnuaiah an kalpui a; hna thawh dan kawng chi li - natural resource management, crop production, lives-tock and fisheries leh institutional intervention tihte hmangin hna an kal pui a ni. Project-in a tum ber chu - sik leh sá inthlak danglam zel mila thlai leh huan enkawl dan ṭha zawk leh rintlak zawk kut hnathawktute ban phak tur chhawpsak a ni.

NICRA project hi India ram puipuia KVK 100 thlan bikteah CRIDA, Hyderabad chuan ICAR ruahmannain a kalpui a; kum riat kal ta chhunga project kalpui ṭha ber atan Best NICRA KVK Award 2019 KVK Lunglei hnenah hlan a ni. Lunglei district KVK aiawhin senior scientist Dr Lalmuanzovin'n a dawng.