Krismas pualin Aizawl-ah mi 527-in thisen an pe

Association for Voluntary Blood Donation (AVBD)-te leh Aizawla blood bank pahnih - Aizawl Civil Hospital leh Synod Hospital-a blood bank-te'n kum 2019 Krismas puala a bika thisen pek hun an buatsaihah mi 527-in thisen an pe.

Krismas puala thisen pek hun bik hi December 8-31 chhung buatsaih a ni a; chumi chhung chuan Aizawl Civil Hospital-ah mi 458-in thisen an pe a, mipa 403 leh hmeichhia 55 an ni. Synod Hospital-ah chuan mi 69-in thisen an pe thung a, mipa 39 leh hmeichhia 30 an ni. AVBD chuan, Krismas puala thisen petute zawng zawng chungah lawmthu an sawi a, thisen pek uar zel turin Mizo ṭhalaite an chah a ni.