Zodintluanga ṭawngvaiah puh

Mizo National Youth Front (MNYF) SubHeadquaters, Lunglei chuan thuchhuah siamin, Congress Legislature Party (CLP) leader Zodintluanga chu ṭawngvaiah an puh.

Lunglei MNYF chuan, Covid-19 vanga khawvel a rûm lai leh India leh Mizoramah ngei pawh inkhârkhip avangin ram chhung hmun hrang hranga mipuite'n ei leh bar leh harsatna an tawh theih turte sutkian nan chief minister Zoramthanga leh a kaihhruai sorkar leh ram mipuite ṭha takin an thawkho niin an sawi a, "Thawhhona tichhe thei zawng leh mipui rilru kuai péng thei zawnga CLP leader Pu Zodintluanga'n thu a sawi hi kan dem a, a harhfîm loh vang leh a ngaihtuah chian loh vang niin kan hria," an ti.

Sorkarin a tih theih ang tâwk a ti nia sawiin Lunglei MNYF chuan, "Mipui tlakbalna lai hnawh khat tura theihtawp chhuaha hma a lak bakah, bial chhung mipuite'n harsatna an tawh lohna tura bialtu MLA leh minister-te'n mawng pawh hûng ṭha hman loa bial mipui tana tha leh tui, sum leh pai leh an theihna sâwr chhuak ṭhin ram hruaitu harhfi m kan nei hi lawmawm kan ti hle a ni," an ti a; sorkar department hrang hrangte'n theihtawpa ṭan an lak thu an tarlang.