Operational Medical Team-in Ni 14 dang inkhârkhip an duh

Covid-19 Operational Medical Team chu nimin khan an chairman Dr. ZR Thiamsanga, MLA hoin a pisaah an ṭhukhawm a; Mizorama inkhârkhip (lockdown) kalpui mek chu a tawp hunah pawh ni 14 dang inkhârkhip kalpui chhunzawm ṭha an ti a, sorkara thlen an rél.

Meeting chuan, hripui léng vanga tuna khung hran mekte zingah natna dangin a tlakbuak emaw, damdawi-ina enkawl ngai emaw, zai ngei ngai an awm palha enkawlna atan Urban Health Centre, ITI Venga mi chu thuam ṭhat thuai ni se, an ti. Urban Health Centre chu a building tihlen lailâwk a ṭul a nih chuan Health Services Directorin ruahmanna lo siam se, an ti a; doctor leh thawktu mamawh ang pawh khâwm a nih thei nan Hospital & Medical Edu cation Director chu hma la turin an ruat.

Urban Health Centre peih a nih hmaa home quarantine laia insawiselna nei, dam- dawi-in panpui ngai an awm chuan, Aizawl Civil Hospital Medical Su pe rintent emaw, State Refer ral Hospital Medical Superintendent emaw hnen  ah thlen ni se, an ti bawk. Covid-19 Operational Medical Team meeting chuan, Health & Family Wel fare department-in help line an kalpui mek chu mipuiin an chhawr ṭangkai lehzual theih nan duty leh telephone-te dah belha thuam chak ni se, an ti a; chumi atan chuan ATI-ah Command & Control Centre room ruahman an rel.

Covid-19 darh zel tur laka invenna atana khung hrante chu Aizawl East leh West CMO aṭangin management team-in ni tin an tlawh ṭhin a ni