Session neih turah rules paruk a lut tawh

June 12, 2019 aṭanga 8th Mizoram Legislative Assem-bly session ṭum thumna neih turah nimin chhun thleng khan bill lut a la awm lo a, rules pharh tur paruk a lut tawh.

Rules paruk lut tawhte chu - The Mizoram Street Vendors (Protection of Livelihood and Regulation of Street Vending) Rules, 2017; The Mizoram Municipalities (Facilities to Mayor, Deputy Mayor, Chairman, Vice Chairman and AMC Councillors) Rules, 2018; The Mizoram Municipalities (Ward Committee and Local Council) (Third Amendment) Rules, 2015; The Mizoram Real Estate (Regulation and Development) Rules, 2019; The Mizoram Urban Areas (Land Development, Landslide Prevention and Mitigation), Rules, 2017 leh The Mizoram Municipal Appellate Tribunal Rules, 2017-te a ni.

Assembly session atan hian zawhna House-a chhan chi (starred question) 379 leh ziaka chhan chi (un-starred question) 84 a lut tawh a, private member resolution 31 thehluh a ni tawh. Tun ṭum session-ah hian kum 2019-20 chhunga Mizoram budget tur pharh a ni dawn a, Business Advisory Committee (BAC) chuan session hi June 27, 2019 thleng awh turin an rel a ni.