HM-in ramria police-te a tlawh

Home minister Lalchamliana chuan nimin khan Kolasib district huam chhung Mizoram ramri hrula police duty post-te a tlawh a, harsatna an neihte a enfiah.

Home Minister hian Saiphai khuaa police out post leh a chhaka IR Camp a tlawh hmasa ber a, police duty-te chuan kawng hrang hranga thawmṭhat leh hmasawn an ngaihnate an lo thlen. Lalchamliana hian building thawm

ṭhat ngai, tui dahkhawlna zem siam ṭhat ngai leh choka siam ṭhat ngaite a enfiah a, hmalak dan tur an sawiho nghal. Duty tur indaih loh chungchangah pawh indah belh turin hmalak chhoh a nih tur thu Home Minister hian a sawi.

Home Minister hian Vairengtea ILP endikna counter leh Vairengte Police Check Gate tlawh bawkin helaia hnathawh kalphunga harsatna awm leh awm lohte a zir chiang a, police-te chu inpe zo tak leh rinawm taka thawk chhunzawm zel turin a chah.

Minister hi DIG (NR) Lalbiakthanga Khiangte, Kolasib DC Zoengsanga leh Kolasib SP Vanlalfaka Ralte ten an ṭawiawm a ni. Lalchamliana hian nimin vek khan Vairengte Sub. Headquarters MZP-in an khaw community hall-a zirlai 

tiṭha chawimawina hun an buatsaih a hmanpui nghal. Zirlaite chu chhungkua, khawtlang, ram leh hnam tana mi chhenfakawm leh mi hmantlak ni tur leh tum nghet tak nei chunga zirlai kawng zawh turin a chah. 

Vairengte MZP-te hian HSLC leh HSSLC, 2019 a distinction leh 1st division-a a pass zirlai 50 leh engineering line-a graduate thar pakhat chawimawina an hlan a ni.