CM Relief Fund aṭangin task force tin tan Rs. 10,000
Chief Minister’s Relief Fund hman dan tur ngaihtuahtu Committee on Utilization of CM Relief Fund for Covid-19 chu nimin khan an chairman Lalnunmawia Chuaungo, chief secretary hoin CS conference hall-ah an ṭhukhawm a; CM Relief Fund-a sum hmuh tawhte chu Mizoram hmun hrang hranga village/local task force 889-te hnenah Rs. 10,000 ṭheuha sem an rél.
Meeting chuan, CM Relief Fund chu ṭhuang thuma sem an rêl a, village/local task force 889 hnenah cheng nuai 88.9 sem a ni ang. An rel dan chuan, Lawipu, Rangvamual leh Edenthara Basic Services to Urban Poor (BSUP) Complex-a cheng chhungkaw 600 chhawmdawl nan task force kaltlangin Rs. 6,00,000 pek a ni ang a; home, rehabilitation centre, orphanage leh centre 67-te ṭanpui nan cheng nuai 23.65 pek a ni ang. CM Relief Fund on Covid-19 sem chhuah hmasak ber tur hi a vaiin cheng nuai 118.55 a ni a, sem chhuah thuai tum a ni.