Lunglei HPC member tharte lak luh a ni

Lunglei district High Powered Committee (HPC) member-te chu nimin khan Lunglei Convention Centre-ah lak luh an ni. Lak luhna inkhawm hi chief minister Zoramthanga'n a hmanpui.

Chief Minister chuan, Lunglei HPC term tharin Lunglei district-ah hmasawnna nasa tak a thlen a beisei thu sawiin, "Mipuiah hamṭhatna tak tak a thlen theih nan leh mipui thawh chhuah a pun belh-chhah theih nan hmalak a ni ang," a ti a; Mizoram chhim lam chu Myanmar leh Bangladesh aṭanga bungrua lo luhna tur kawngkapui a nih dawn avangin a pawimawh zual zel dawn tih a sawi.

Zoramthanga chuan ram, hmasawnna ngaihtuahtute chuan ramin neih a neih (asset) thlir hmasain, chumi aṭang chuan hmalak dan tur an ruahman ṭhin tih sawiin, "Mizoramin asset a neihte hmang a, hmasawna hausak phah zel tur chuan a chhunga chengte'n chonaah la thiamin, sorkarin ruahmanna a siamte ṭawiawma hma an lak a ṭul," a ti.

Lunglei HPC vice chairman Lawmawma Tochhawng, MLA pawhin thu sawiin, khua leh tuite hnenah thawh tur buatsaih leh ruahmanna siamsak chu sorkar tih tur a nih thu a sawi a, "Kut hnathawktute leh mi them­thiamte tana thar hma, daih rei site intodelh­na atana hmalakna thar ruahman tum a ni," a ti a; HPC hmalakna a hlawhtlin theih nan mipuite chu thawhpuiah a sáwm.

Lunglei HPC-ah hian member tharte chu - C Thanseia, C Lalchhuana, F Lalsawmkima, F Lalzarmawia, K Lalhnema, Lalchhandama, Robert Hmingthansanga, H Lalthansanga leh Lalrotluanga te an ni.