Renewable energy resources hrilhfiah

Zoram Energy Deve­lopment Agency (ZEDA) chuan nimin khan Champhai MJA Press Club-ah mipui hnena renewable energy resources chung­chang hrilhhriatna hun an buatsaih.

Inhrilhriatna hun hi Champhai District MJA president C Lalhnunpuia'n kaihruaiin, ZEDA director David Ramnunsanga chuan renewable energy resources hmangin Mizoramah chhung­kaw 12-in kawlphetha kilowatt 475 an siam chhuah tawh thu leh ṭangkai taka hman mek a nih thu a sawi a, "Mimal in chunga solar plate daha kawlphetha siam chhuahna, sorkar laipuiin senso 90% a tumsak kalpui mek chu June 29, 2019 hian a tawp rih phawt dawn. Chhungkaw tam thei ang berin solar plate dilna hi rawn thehlut se kan duh a ni," a ti.

ZEDA assistant engineer Thantluanga leh ZEDA project director JH Malsawmate'n electric connection nei tawhten an inchungah solar plate daha eng an neih theih dan tur ‘Grid Connected Rooftop Solar System’ leh Ministry  of  New  & Renewable Energy chung­chang leh a hmalakna peng hrang hrangte an sawifiah.