Coronavirus vangin jail táng mi 338 chhuahtir

Coronavirus léng vanga Supreme Court thuchhuak angin Mizorama jail-a táng mekte leh thubuai nei mek mi 338-te chu ngaihdamna (remission) hmang leh intiamkamna (PR bond) hmangin jail aṭ anga chhuahtir an ni.

Sorkar thuchhuah tarlan danin, Covid -19 hri léng vangin Supreme Court-in jail-te chu táng an tâwt lutuk loh nan a hriatt ir a, chumi bawhzui tur chuan Mizoram sorkar chuan Gauhati High Court Aizawl Bench-a judge Justice Michael Zothankhuma kaihhruai High Power Committee a din a ni.

High Power Committee chu vawi hnih an ṭhukhawm tawh a, an thutlukna bawhzuiin Mizorama jail hrang hranga táng mek thiam loh chang (convict) tawh zinga an tàn hun hmang tlingtla hnai tawh mi 48 chu sorkarin ngaihdamna (remission) a pe a, nimin khan chhuah zalen an ni.

Pawikhawihtua puha an chungthu ngaihtuah mek (under trial) vanga jail-a táng (judicial custody) zinga thil sual tih vanga vawi khat man tâwk mi 290 chu Court-in PR bond-in a chhuahtir bawk. Tâng chhuahte hi High Power Committee rêl angin, an chenna in thlenga thlah turin an awmna district-a DC leh SPte chu hma la ṭheuh tura tih an ni.