BCM-in Myanmar tan ṭawngṭai turin ngen

Myanmar sipaite'n mipui thlan roreltute paiha thuneihna an chhuhsak avanga mipuiin lungawi lohna an lantir leh harsatna an tawh mek avangin, Baptist Church of Mizoram (BCM) chuan an kohhran mite chu Myanmar tana ṭawngṭai turin an ngen.

BCM chuan, Myanmar sipaite'n thuneihna an hnehchhuh avang leh ram hruaitu eng emaw zat mana an hrèn avangin an ram chhungah buaina nasa tak a chhuak mek tih tarlangin, "Myanmar ram mipuite an thlabarin harsatna tam tak an tawk mek tih kan hria. A bik takin kan unau Zo hnahthlak (Chin unaute) tam takin harsatna an tâwk mek tih hriat phei chuan kan tawrhpuiin pawi kan tih a zual a ni," an ti.

Myanmar ram leh mipuiin ṭawng­ṭaipui an mamawh hle tih sawiin BCM chuan, "Muanna leh rorelna dik an ramah a thlen ngei theih nan Pathian hruaina leh awmpuina an mamawh hle. Ṭawngṭaipna lamah theihtawp kan chhuahpui a ngai hle a ni," an ti a; an kohhran chhungkaw tinte chu March 6, Inrinni zan dar 7-ah Myanmar ram tana ṭawngṭai turin an ngen a ni.