Car chesualah mi pahnih thi

March 3, Nilaini tlai khan Khawzawl district-a Chhawrtui khuaa lirthei pahnih chesualah mi pahnih an thi.

Thu dawn danin, Nilaini tlai dar 3:30 vel khan Chhawrtui Middle School-a thawk PS Lalremruata (52) s/o Lalbeiseia, Kawlkulh chu Chhawrtui M/S aṭanga a car (Hyundai Eon) hmanga a haw kawngah chesualin, kawng thlangah ft. 185 vel a lum a, a hmunah a thi a ni.

PS Lalremruata ruang la chhuaktute zinga mi Vanlalfaka (25) s/o Vanrohlua Renthlei, Chhawrtui chu ruang an lak chhuah zawha a car (Maruti 800) la turin chetsualna hmunah a kal leh a, a car a her rem tur chu chesualin, kawng thlangah ft. 150 vela thui a lum ve leh a, chetsualna hmunah a thi a ni.