Children's Science Congress zawh a ni

Science Teachers Association of Mizoram (STAM) leh Samagra Shiksha-in state level Children's Science Congress vawi 28-na Education Centre Conference Hall, Aizawla an buatsaih chu nimin khan zawh a ni.

Children's Science Congress-ah hian district hrang hrang aṭangin zirlai (child scientist)-te'n project an buatsaih 26 pho chhuakin an hrilhfiah. Project zinga 21 chu senior category-a mi niin, a bak panga chu junior category-a mi a ni a; senior category leh junior category-a aṭangin a ṭha zual pathum ve ve thlan a ni.

State level Children's Science Congress-a tel child scientist-te chu lawmmanah Rs. 1,000 leh certificate pek vek an ni a; project buatsaihna senso atan project pakhat zelah Rs. 3,000 ṭheuh pek an ni bawk.

1.    Lallawmzuali Khiangte,

    Saitual H/S

    Topic: Vut

2.    Zothantluangi Sailo, 

    Diakkawn H/S, Kolasib

    Topic: Effect of continuous exposure to smartphone on visual acuity

3.    Lalhriathlui,

    Z Rosanga H/S, Leite

    Topic: Charcoal from raw material

1.    Christina Lalnuntluangi,

    Champhai Vengthlang PES

    Topic: Effect of social media on academic performance

2.    Mikali Lalnunhlui,

    Little Flower M/S, Khawzawl

    Topic: Harnessing renewable energy

3.    C Vanlalruattluangi,

    Saihnuni Sailo Mem. School, Aizawl

    Topic: To investigate the phytochemical group and testing of microbial limit present in Mimusa Pudica (hlonuar)