Tribal Art Development Workshop buatsaih

Ministry of Tribal Affairs leh Social Welfare & Tribal Affairs (SWTA) department chuan nimin khan Aijal Club-ah 'Virtual Tribal Art Development Workshop' an buatsaih a, SWTA director A Vanlalzawni'n a hawng.

Tribal Art Development Workshop hi ni 30 awh tur a ni a; a thawh khatnaah Hnahthial district tih loh district dang 10 aṭangin mipa 76 leh hmeichhia 34, an vaiin mi 110 an inziak lut. Artist-te chu lem ziahna hmanrua an thlan ang zelin tumsak an ni.

Workshop-a tel zawng zawng chu certificate leh Rs. 1,600 pek an ni dawn a, lemziak thehluh aṭangin a ṭha zual 10 thlan tur niin, lawmman hlan a ni ang.

Workshop-a tel turte chu hlawm parukah ṭhen an ni a, March 8, 2021 aṭangin an tana hun ruat zelah online-in an inlan ang a, resource person-te'n Aizawl Art Gallery virtual room aṭangin an vil dawn a ni.