District-a thlai chìn tur bik thlang

One District One Focus Product (ODOFP) hnuaiah Mizorama district tin chu thlai an chìn uar tur bik thlansak an ni a; district pangain aieng an kalpui dawn.

ODOFP hi Ministry of Agriculture and Farmers Welfare leh Ministry of Food Processing Industries hnuaia kalpui tur a ni a, PM-FME scheme hmangin district hrang hrangah hmalak tur a ni.

Agriculture department hotute chuan, ODOFP hnuaia district hrang hranga thlai chìn turte chu loneitute hlâwkna tur leh hlâwk zawka thlai an thar theihna tura ruahman a nih thu an sawi a, "District hrang hrangah thlai dang chìn loh tur tihna a ni lo a, mahse, thlai thlan bikah an insáwrbing dawn a, district pakhatin a hlâwma thlai an chìn chuan sumdawngte tan pawh awlsam zawkin thlai thar lâk theih a ni ang," tiin Vanglaini an hrilh.

District Thlai

Aizawl - Mizo hmarcha

Lunglei -  Aieng

Siaha - Aieng

Champhai - Sapthei

Kolasib - Aieng

Serchhip - Lakhuihthei

Lawngtlai - Theihai

Mamit - Aieng

Saitual - Sawhthing

Khawzawl - Lakhuihthei

Hnahthial - Aieng