MDC by-election-ah MNF candidate an tling

June 6-a Lai Autonomous District Council (LADC) hnuaia Lungtian MDC constituency leh Chakma Autonomous District Council (CADC) hnuaia Ugudasury South MDC constituency-a by-election neih zawh taka vote tlate chu Lawngtlai BNRGSK Hall-ah chhiar a ni a, MNF candidate ve ve an tling.

LADC hnuaia Lungtian MDC constituency-ah hian vote 1188 a tla a, vote 593 hmutu MNF candidate Sanghuliana Mualchin thlan tlin a ni. Sanghuliana hian amah hnaih bertu Indian National Congress (INC) candidate H Lungrualkima chu vote hnihin a hneh a ni.

CADC hnuaia Ugudasury South MDC constituency-a vote tla 1469 aṭanga vote 820 hmutu MNF can-didate Charan Singh Chakma chuan a amah hnaih bertu vote 615 hmutu Bharatiya Janata Party candidateSusen Chakma chu vote 205-in a hneh.

Inrinnia by-election result nen hian LADC-ah hian MDC seat 25 awmah INC-in seat 16 lain, anmahni thlawptu independent pakhat nen seat 17 neiin sorkarna an siam mek a ni. CADC-ah chuan elected seat 20 awmah MNF-in seat riat, INC-in seat sarih leh BJP-in seat panga an nei a, INC MDC pathum leh BJP MDC pakhatin an thlawp avangin MNF hian sorkarna an siam mek a ni.