Mizoramah PYD Day hmang
Mizoram UPC kohhran ṭhalai pawl, Pentecostal Youth Department (PYD) chuan nimin khan an din champha vawi 59-na, PYD Day an lawm a; Mizoram hmun hrang hrangah an remchan angin khawtlang hmun tihfai, hnatlang, thisen pek leh inkhawmtein hun an hmang.
PYD Day lawm nan hian Aibawk bial PYD chuan nimin khan State Referral Hospital-ah thisen unit 24 an pe. Zemabawk bial PYD-in Aizawl Civil Hospital-ah thisen unit 21 pein, Mamit bial PYD member mipa 10 leh hmeichhia pangate pawhin Mamit District Hospital-ah thisen unit 15 an pe bawk. Mamit bial PYD-te hian Mamit damdawi-in hnenah nebulizer khawl pahnih an pe bawk a ni. March 4, 1961 khan Mizorama UPC kohhran ṭhenkhatah ṭhalai pawl din a ni a, chu ni chu Mizoram UPC chuan PYD din champhaah a pawm a ni.