Covid vaccine pe mek zel
Covid-19 hripui laka invenna damdawi (vaccine) Covishield chu pek chhunzawm zel a ni a, March 4, Ningani thlengin mi 30,949 hnenah first dose leh mi 9,109 hnenah second dose pek a ni tawh. Tunlai hian mi hrang hrang hnenah first dose pek mek a ni.
Covid vaccine hi Ningani khan first dose bik chu healthcare worker mi 250, frontline worker mi 1,956, kum 45-60 inkar natna benvawn nei sa mi 35 leh kum 60 chung lam mi 358 hnenah pek a ni a; an vaiin mi 2,599 an ni. Healthcare worker mi 72 leh frontline worker mi 73 hnenah second dose pek a ni bawk.
March 4, Ningani thleng khan Covid vaccine first dose chu healthcare worker 11,662, frontline worker 15,651, kum 45-60 zinga natna nei sa mi 89 leh kum 60 chung lam mi 3,570 hnenah pek a ni tawh a, an vaiin mi 30,949 an ni. Healthcare worker mi 9,108 leh frontline worker mi pakhat hnenah second dose pek a ni tawh a, an vaiin mi 9,109 an ni.