Covid-19 dan bawhchhia mi 77,076 Pawisa chawitir zat Rs. 1,55,33,900
Mizoram police-te leh hmun hrang hranga local/village task force-te chuan May 4, 2020 aṭanga nimin zing dar 9 thleng khan The Mizoram (Containment and Prevention of Covid-19) Ordinance/Act, 2020 bawhchhia mi 77,076 an man tawh a, pawisa chawitir tlingkhawm chu Rs. 1,55,33,900 a ni.
March 4, Ningani zing dar 9 leh nimin zing dar 9 inkar bikah Covid-19 dan bawhchhia mi 77 man an ni a; chu'ngte chu vantlang hmuna hmai tuam lo mi 48, physical distancing zâwm ṭha lo mi 13, vantlang hmuna chil chhâk mi pariat leh sorkar dan siam dang zâwm lo mi pariat an ni. Mi 77-te pawisa chawi tlingkhawm chu Rs. 16,800 a ni.
Darkar 24 chhunga dan bawhchhia man mi 77 zingah hian Aizawl district-a man tam berin mi 61 an ni a, Lunglei district-ah mi 15 leh Hnahthial district-ah mi pakhat an awm bawk.
Aizawl district-a man zinga 36 chu vantlang hmuna hmai tuamna vuah lo niin social distancing zâwm lo pakua, vantlang hmuna chil chhâk mi pariat leh sorkar dan siam dang zawm lo mi pariat an ni.
Lunglei district-a mante chu vantlang hmuna hmai tuamna vuah lo mi 11 leh physical distancing zâwm lo mi pali an ni a, Hnahthial district-a mi chu hmai tuamna vuah loh vanga man a ni.
Hetih lai hian, Siaha, Kolasib, Mamit, Saitual leh Khawzawl district-ahte chuan February 19, 2021 aṭangin Covid-19 dan bawhchhia man an awm tawh lo.
Covid-19 dan hnuaia man zat
District Man zat Sum chawi
Aizawl 44,051 Rs. 99,11,700
Lunglei 5,045 Rs. 11,20,700
Siaha 1,372 Rs. 1,91,600
Champhai 2,845 Rs. 4,41,100
Kolasib 2,404 Rs. 2,55,200
Serchhip 4,859 Rs. 6,31,200
Lawngtlai 6,119 Rs. 8,77,500
Mamit 2,071 Rs. 2,43,900
Saitual 1,216 Rs. 2,40,300
Khawzawl 3,673 Rs. 5,51,300
Hnahthial 2,207 Rs. 2,32,800
Traffic Aizawl 1,214 Rs. 8,36,600
TOTAL 77,076 Rs. 1,55,33,900