KṬP Rorel Inkhawm ṭan dawn

KṬP Rorel Inkhawm vawi kuana chu vawiin leh naktuk hian Chaltlang Kohhran biak-inah neih a ni dawn. Rorel Inkhawm hi KṬP General Conference awm loh kumah neih ṭhin niin, kum 2005 aṭanga ṭan a ni.

Kumina KṬP Rorel Inkhawm chu Covid-19 hripui lêng avangin kum dang angin tih theih a ni dawn lo a, hun pangngaiah bial leh branch tin aṭangin palai pakhat an tel ṭhin laiin, kuminah chuan bial aiawh pakhat ṭheuh tel tura tih a ni.

Vawiin zing dar 9:30-ah Central KṬP leader Rev. Vanlalmuanpuia Khiangte kaihhruaiin rorel ṭan a ni dawn a, naktuk Pathianniah chawhma leh chawhnuah Pathian biak inkhawm a awm ang.