Zemabawk leh Tuipang kawngpui zauh turah YMA-in hmalak an rêl

YMA, Zawlbuk Group chuan nimin khan Thingsulthliah Hospital Area YMA Hall-ah Rorel Inkhawm vawi thumna an hmang a, Zemabawk leh Tuipang kawngpui, national highway zauh turah a nih dan tur ang taka thawh a nih theih nan hmalak an rêl.

Zawlbuk Group YMA chuan, Mizo ṭawng humhalh leh hman dik kawngah hmasawn a nih theih nan Mizoramah ni khat tal Mizo ṭawng hman ní siam tura hmalak an rél a; nungcha humhalh kawngah hmalak zui zel an rêl bawk.

Myanmar ramah sipaiin sorkar an chhuhsak duh lohna mipuiin muanawm taka an lantir laia sipai chêtna râwng tak an hmachhawn chu an dem thu Zawlbuk Group YMA chuan an tarlang a; sorkar muanawm tak an neih leh thuai theih nan duhsakna an hlan.

Zawlbuk Group YMA hi kum 1974-ah a piang a, tun dinhmunah YMA branch 23 leh member 10,167 an awm mek a ni.