2023-ah sorkarna kan siam dawn - BJP President

BJP, Mizoram Pradesh chuan nimin khan an pisaah political session an buatsaih a; BJP president Vanlalhmuaka chuan, kum 2023 MLA inthlanpuiah BJP-in sorkarna an siam dawn niin a sawi.

Vanlalhmuaka chuan, India ram chu 'One Nation, One Religion, One Culture' a nih tur thu sawiin, "One Nation chu India ram chhunga cheng zawng zawng India mite hi kan ni a, One Religion-ah pawh India ram chhungah sakhaw hrang hrang kan awm angin, mahni sakhua ṭheuh kan biak Pathian sawina a ni. Sakhuanaah Kristiante tan buaina tur a awm lo," a ti.

Mizoram BJP President chuan, "One Culture chu, state hrang hrangah mahni hnam tih dan ang ang hi Indian culture a ni," a ti a; Mizoram budget thara mipuite tana hamṭhatna tur awm mang lo chu pawi a tih thu a sawi bawk.