RMSA school leh HSLC centre hawng

Human Resources Development (HRD) Board vice chairman L Thangmawia, Sialkal Range Development Council chairman ni bawk chuan March 4, 2021 khan Chângpui khuaa RMSA High School a hawng a, March 5 khan Bunghmuna HSLC exam center 

a hawng bawk.

L Thangmawia chuan, sorkar hmasain zirna in a tihpuitlin loh hmun tam takah a awm thu sawiin, "Chu'ngte chu kan chief minister Pu Zoramthanga kaihhruai sorkar hian hma a la char char a, zirna hi lu hai nei chunga enkawl chi a ni lo. Tuna kan hotute chu hmasawnna leh zirna ngai pawimawh mi, zan dar hnih velah pawh file la keu ngar ngar peih an ni a, kan vannei hle," a ti.

HRD Board Vice Chairman chuan, zirtirtu indaih lohnaah Chief Minister leh School Education Minister-te hmalaknain zirtirtu 1,000 vel lak a nih thu sawiin, transfer leh posting-a buai ngai lo turin a theih chin chinah khaw mite lâk an nih thu a sawi.

Bunghmuna matric exam center a hawnnaah L Thangmawia chuan, HSLC exam center dil tam tak an awm thu a sawi a, "Kan Education Minister hmalaknain Mizoram khaw 348-ah teacher quarters sakna tur kan nei tawh a ni," a ti.

L Thangmawia hian Changpui khuaa RMSA H/S thar lawmpui nan pawisa a pe a, Bunghmunin exam center an neih thar lawmpui nan computer a pe bawk.