Inremna copy hmu zo lo

Commerce & Indus­tries minister Dr R Lal­thangliana chuan ZPM member Dr Vanlalthlana zawhna chhangin, Ramhlun market atana ram inpek dawna khawtlang leh sorkar department-te'n inremna an siam copy chu an zawng hmu zo lo tih a sawi.

Dr R Lalthangliana chuan, Ramhlun market atana ram inpek dáwna khawtlang leh sorkar department-te'n inremna copy chu zawn a nih thu sawiin, "Document hi a awmna ngei tura ngaihah pawh hmuh a nih loh avangin, an inremna siam hi eng ang nge a nih hriat a ni ta rih lo," a ti.

Commerce & Industries Minister tarlan danin, Ramhlun market hi Anthurium Collection Centre leh Aizawl North College class room atan hman a ni a, College-in an chhuahsan theih hunah market building chu mawihnai leh changtlung zawka chei a, chawhmeh leh thil dang zuarte tan ṭhut châk­awm taka siam tum a ni.