Chapchar Kût Exhibition hawng

Commerce & Industries minister Dr R Lalthangliana chuan nimin khan Lammual Basketball Court-ah Chapchar Kut 2020 Handloom, Handicraft and Food Court Exhibition a hawng. Information & Public Relation director Lallianpuii'n Vanapa Hall-ah Chapchar Kût Art Exhibition a hawng bawk.

Chapchar Kût Hand­loom, Handicraft and Food Court Exibition-ah hian Mizo thuam leh thil chi hrang hrang bakah, ei leh in tur zawrhna stall 36 a awm a; Commerce & Industries leh Tourism department-te tan stall pakhat ve ve siam a ni. Art Exhibition-ah chuan Mizoram Art Development Socie­ty member 40-te kut­chhuak lemziak 87 pho chhuah a ni a, Mizo Photographers Society member 33-te kut­chhuak thlalak 64 phochhuah a ni bawk.

Chapchar Kût puala exhibition buatsaihte hi March 6, Zirtawpni thleng mipui dawr theiha hawn an ni ang.