Advertisement rate tihpun vangin lawm
MJA chuan thuchhuah siamin, Mizoram sorkarin adverstisement rate a tihpun avanga an lawm thu an tarlang a, "Advertisement rate punna hian beisei ang chu pha lo deuh mah se, Mizoram sorkar sum leh pai dinhmun hriatthiampui chungin tun dinhmunah chuan lawmawm tawkah kan ngai," an ti.
MJA tarlan danin, ni 26.2.2013 aṭanga hman tawh Mizoram sorkar advertisement rate - classified advertisement Rs.100 per column leh display advertisement rate Rs.3000 per full page chu chanchinbu chhuahna hmanrua leh nitin khawsakna atana mamawh chi hrang hrang man sang zel vangin nikuma MJA khawmpuiin 'classified advertisement rate chu Rs.200 per column leh display advertisement full page chu Rs.5000 ahte tisang turin Mizoram sorkarah ngen nise' a tih angin sorkarah an thlen thu an tarlang.
Ni 27.1.2020 a Council of Ministers ṭhukhawm chuan classified advertisement rate dinglai Rs.100 per column chu Rs.130 per column-ah leh, display advertisement full page rate dinglai Rs.3000 chu Rs.4000 ah tihsan rem tiin, he rate thar hi hman nghal tura ni 26.2.2020 a notification chhuah a ni ta chu lawmawm an tih thu tarlangin MJA chuan, "Sorkar department zawng zawngte pawh Mizoram chanchinbute duhsakna rilru pu chunga, an hnalaknate leh mipui hriat atana pawimawhte uar zawka advertisement hmanga puangzar zel turin kan ngen nghal a ni," an ti.