MZP-in Chakma chet dan an dem

MZP chuan thuchhuah siamin, tun hnaia Chakma pawl hrang hrangin Prime Minister hnena Joint Memorundum an thehluhah, Myanmar lama Zo fate nena inkalpawhna leh insumdawn tawnna thîk a, inpawhna leh unauna tichhe tur zawng leh a chhe thei ang bera Zo fate an puhna chu hriatthiam har an tih thu an tarlang.

MZP chuan, Bangladesh leh India inrìna anga Myanmar leh India inrìnaa border fencing siam a, khawchhak aṭanga visa ngai loa dan­in inkalpawh a phal chin tidanglam tura Chakma-te'n Prime Minister hnena ngenna leh phûtna an thlen chu na taka chhàn lêt ni se, an ti a; "Chakma te hian awm chin tâwk an hre lo a, an huangtau ta hleah kan ngai a ni," an ti.