April 1 aṭangin electric bill a sang dawn

Mizoram State Advi­sory Committee ni­mina  Joint Electricity Regu­latory Commission for Manipur and Mizoram chairman Ng Sarat Singh hoa Hotel Floria-a ṭhukhawm chuan April 1, 2020 aṭangin electric bill tihsan an remti. 

Meeting-ah hian April 1 aṭanga electric bill tihsan dan tur chungchang sawiho a ni a, electric current chhit man chu tunlai thil man to zel dan enin mipuite tana phurrit ni lo tura tihsan an remti. Electric-power purchase management te, prepaid metering system hman dan chungchangte leh thildang pawh meeting-ah hian an rel a ni.

JERC(M&M) hi Electricity Act 2003 a din a ni.