Kum 2020-21 aṭangin Synod kutah Sikulpui leh Sikulsen a awm dawn

Mizoram Synod kuta Mizoram sorkarin tun hnaia a hlan tâk Sikulpuikawn, Mission Venga Sikulsen leh Sikulpui chu  academic session 2020-21 aṭangin Synod-in an enkawl tur thu, School Education minister Lalchhandama Ralte chuan House a hrilh.

ZPM member Lalchhuanthanga zawhna chhang-in Lalchhandama Ralte chuan, "Synod nena inremna kan siam dan chuan, Sikulsen leh Sikulpui hi kum 2019-20 chhung chu a ngaiin a kal ang a, nakkum aṭangin Synod-in an enkawl tawh ang. Zirtirtute chu kum 2020-21 ah chuan sorkarin an awm chhunzawmna tur a ngaihtuah dawn," a ti.

Minister sawi danin, Sikulpui leh Sikulsen chu missionary-te enkawl ṭhin a ni a, chumi hnuah sorkarin a enkawl a; Synod-in enkawl leh an dil angin Mizoram sorkar chuan Synod kutah a hlan lêt leh a ni.