Zu zuarte eizawnna tur ruahman sak lo

INC member C Ngun­lianchunga zawhna chhangin Excise & Narcotics minister Dr K Beichhua chuan Excise & Narcotics department aṭangin Rangvamual leh Phun­chawnga zu zuarte tana eizawnna tur thildang ruahman sak a nih loh thu House a hrilh.

C Ngunlianchunga hian "February 21,2019 a Synod executive member-te leh MLA-te Synod office hmunpuia an inkawmhonaa Chief Minister zahawm takin 'Rangvamual leh Phunchawnga zu zuarte tan eizawnna tur thil dang ruahman sak a ni ang' a tih kha tihpuitlin a ni tawh em?" tiin zawhna a siam a ni.

Eng ang ruahmanna/eizawnna thar nge pek an nih tawh tih zawhna chu Dr K Beichhua chuan, "Excise & Narcotics department aṭang chuan ruahmanna/eizawnna thar pek an ni lo," tiin a chhang.