MPCY-in MZP hmalakna an thláwp

MPC ṭhalaite chuan thuchhuah siamin, Mizoram Lok Sabha MP C Lalrisanga'n Citizenship Amendment Bill (CAB) thláwp zawnga Lok Sabha-a vote a pek an duh lohzia lantirna atana MZP-in pawndum nena Lengpui Airport-a an lo hmuak chu âwm an ti a, an thlàwp tlat thu an tarlang.

MPCY chuan, CAB-in Mizoram a huam ve dawn lo anga insawi thlamuannain Mizo hnam leh Kristianna a dimdawi thei dawn lo tih ngaihtuah duh loa BJP mitmei vèn vanga CAB thláwpah C Lalrosanga an puh a, "Mizo hnam phatsanna lian takah kan ngai reng. CAB/CAA hi India danpui kalh, sakhaw thlei bik nei a nih avangin, Kristian MP tan chuan thlàwp chi loh hul hual a ni a, kan MP neih chhunin CAB tihpuitlin nana ke a pên kha Mizo hnam angin mualphona a ni," an ti.

MZP-in ram leh hnam hmakhua ngaia MP C Lalrosanga an dem chungchangah MPC ṭhalaite chuan, C Lalrosanga chuan inngaihtuah harh nan a hman a, Mizo hnam tana a lo tihsual tawhah thupha chawia inlam let nana hmang tura an phût thu an tarlang bawk.