Ram kang vanga nungchate tawrhna zirho

Nimin khan Mamit Information & Public Relation conference hall-ah Zoological Survey of India, Kolkatta, National Mission on Himalayan Studies (NMHS) leh Mizoram Forest department-te buatsaihin nihnih awh tur ram kang vanga nungchate tawrhna zirhona 'Impact of Forest Fire on Faunal Resources of North- Eastern States' neih a ni a, Mamit district wildlife warden K Lal­muan­kima'n a hmanpui.

K Lalmuankima chuan sik leh sa inthlak danglam chu thil thleng tak tak a nih thu sawiin, "Sik leh sa inthlak avang­a khawvel hmun hrang hranga chhiatna thlengin nungchate tawrh­na leh harsatna a thlen nasa a, tuna mihring damlai mekte'n ramngaw leh nungchate tana theihtawp kan chhuah lo anih chuan khawvelah chhuan tam tak a awm theih dawn loh," a ti. 

Meisi te tak tein kangmei rapthlak tak a chhuah thei tih sawiin K Lalmuankima chuan, "Keini'n thil te tak te leh ho tham tak emaw kan tih hi thil ropui tak a ni thei,"a ti a, khawvel chhe mek siamṭha tura tha thawhtu nih tum ṭheuh tur­in kalkhawmte a sawm.

Training-ah hian Zoological Survey of India, Kolkatta aṭanga mithiam lokalte'n thupui hrang hrang hmangin kalkhawm­te an zirtir a, zawhna leh chhanna hun hman nghal a ni.