KHAWTHLIR

National Committee for 75th Anniversary of India's Independence Commemoration chu nimin khan an chairman Narendra Modi, prime minister hoin video conferencing hmangin an inrawn khâwm a; Governor PS Sreedharan Pillai pawh a tel. Independence Day vawi 75-na hi national level leh international level-a lawm tum a ni.

DPAR changtu deputy chief minister Tawnluia chuan nimin khan ZPM member Vanlalhlana zawhna chhángin, Mizoram sorkar hnuaiah hna ruak 14,536 a awm thu Assembly House a hrilh a, "Sorkar hnuaia hna ruakte hi mamawh dan azir leh state sorkar dinhmun ena hnawh khah zel tum a ni," a ti.

Assembly speaker Lalrinliana Sailo chuan WBC champion Lalrinsanga Tlau lawmpuina atan nimin khan a pisaah Rs. 1,50,000 a hlan. Speaker hian Lalrinsanga Tlau hi a pisaah thingpui a inpui nghal a ni.

Lawngtlai bawrhsap Dr Andrew H Vanlaldika chuan, March 6, 2021-a hriattirna a tihchhuah, Myanmar aṭanga Mizoram chhunga ráltlan an awma lo dawnsawn dan tur chungchanga kaihhruaina tur chu sorkar laipui aṭanga thu an hmuh avangin nimin khan sût a nih thu a puang.

Home minister Lalchamliana chuan nimin khan ZPM member Dr Vanlalthlana zawhna chhángin, Inner Line of the Lushai Hills notitication no. 2106 AP ni 9.3.1933 behchhana Survey of India-in map an siam a awm thu Assembly House a hrilh a, "Boundary dang ang chuan final map buatsaih a la ni lo," a ti.

State Referral Hospital-ah Covid-19 vei mi pathum enkawl mek an ni a, Isolation ward-ah awmin, harsatna lian tham nei an awm lo. Nimin khan ZMC laboratory-ah swab sample 30 endik a ni a, Pathianni leh nimina lakte a ni.