LS MP leh Taiwan palaite inkâwm

Lok Sabha MP C Lalrosanga leh India rama Taiwan ambassador Baushuan Ger leh a thawhpui Mumin Chen leh Jen Chun Tsai te chu March 6, Inrinni khan New Delhi-ah an inkâwm a; India leh Taiwan inkungkaihna chungchang te, India hmarchhak bial, a bikin Mizoram nena thawhhona awm theite an sawi.

C Lalrosanga chuan, Taiwan-in Covid-19 hri lèn vanglai leh a hma lama Mizoram an ṭanpui leh thawhpui tawhnate avangin lawmthu a hrilh a; thawhhona tur kawng dap zui zel a ṭul thu a sawi.

Sorkar thuchhuah tarlan danin, Taiwan palaite chuan, mau hmanga thil siamte leh kawng danga  thawhho theihna tur te, Mizoram ṭhalaite tana Taiwan rama eizawnna leh zirna kawng a inhawn theih thute an sawi a ni.