Kum 2020-21 chhungin MYC kaltlanga hna hmu an awm lo

Labour, Employment, Skill Development & Entrepreneurship (LESDE) minister Lalchhandama Ralte chuan nimin khan INC member Lalrindika Ralte zawhna chhángin, kum 2020-21 chhungin Mizoram Youth Commission (MYC) kaltlanga hna hmu an awm loh thu Assembly House a hrilh.

LESDE Minister chuan, Covid-19 léng avanga state páwn aṭanga hna thawktu Mizorama hawte khaichhuahna tur programme kalpui mek a nih thu sawiin, "Mi 720-te skill development training pek an ni. Hemi tur hian NEC aṭangin cheng vbc. 3 dil a ni a, eizawnna dang an neih theihna atan training kalpui mek a ni. Phase-II atan cheng vbc. 2.70 hmangin cement mistiri, food processing, piggery leh cake baking training kalpui mek a ni," a ti.

MNF member Dr Vanlalṭanpuia zawhna chhangin Lalchhandama Ralte chuan, "January 1, 2016 aṭanga hman turin Mizoram Private Placement Agencies (Regulation) Act, 2015 hi November 16, 2015 khan Home department-in a notify a, a rules chu June 21, 2017-ah tihchhuah a ni," a ti a; LESDE chuan agency-te khuahkhirhna dan hranpa a neih loh thu a sawi bawk.

n tur erawh sawi a la ni lo.