Border fencing state sorkar thu a ni lo - Home Minister

Home minister Lalchamliana chuan, India leh Bangladesh ramri hung (border fencing) siam nan leivûng paihna hmun company-in a siam thu sawiin, "Border fencing hi state sorkar thu a ni lo," a ti.

Nimina session-ah INC member Nihar Kanti Chakma zawhna chhángin Home Minister chuan, "Border fencing hi state sorkar thu a ni lo a, central sorkar thu vek a ni, contractor thlan thlengin. State sorkar a ráwn ṭha duh lo emaw tih mai tur a ni. Harsatna a tawh hnuah state an rawn ráwn a, State Level Coordination Committee din a ni," a ti a; Committee chuan leivûng paih avanga harsatna tâwkte list thehlut turin CADC Chief Executive Member a hriattir thu a sawi.

INC member C Ngunlianchunga'n, Thingkaha Mizo IR hmun tur siam mekah ceiling plaster a nih loh thu leh an hmanraw hmante a ṭha tâwk lo tih a sawi a; hemi chungchangah hian Home Minister chuan, "Hna thawktu chu NECS an ni. Plaster tur chu ni âwm tak a ni a, plan leh estimate ka la hmu lo. Ka kal thuak tawh a, an hmanraw hman a chhiat em em pawh ka hre lo," a ti.

Home Minister sawi danin, Thingkaha Mizo IR hmun chu March 2021-ah chuan zawh hman beisei a ni a, a hawn hu