Mizoramin national award a dawng

Mizoram State Rural Livelihoods Mission (MzSRLM) hnuaia Tipa D-1 Village Organisation-in National Award for Best Performing Village Organisation an dawng a; Gilead Self Help Group (SHG), Kawrthah South-in Best Performing Self Help Group an dawng bawk.

Award hi Ministry of Rural Development hnuaia pek niin, state hrang hrang aṭangin village organisation 10 leh SHG 30 thlan a ni a; Covid-19 avanga a hmuna kal a rem loh avangin Union Rural Development minister Sadhvi Niranjan Jyoti chuan online kaltlangin a hlân. Award hlanna hun hi Mizoram aṭangin MzSRLM conference hall-ah MzSRLM chief executive officer Lalchhandami hoin an lo zawm ve a ni.

Gilead SHG, Kawrthah South-in an dawn Best Performing SHG Award-in Rs. 1,00,000 a keng a; Tipa-D VO-in an dawn Best Performing Village Organisation Best Performing Village Organisation Award-in Rs. 2,00,000 a keng thung.

Rural Development ministry hnuaiah hian India ramah SHG 6,68,19,454 leh village organisation 3,13,584 an awm mek a ni.