Serchhip SP-in MJA-te a kâwm

Serchhip SP thar Stephen Lalrinawma chuan nimin khan a pisaah Serchhip district MJA member-te a kâwm a; police leh MJA-te'n thawhhona ṭha an neih a ṭul thu a sawi.

Stephen Lalrinawma chuan, police-te leh thuthar thehdarhtute chu sorkar kutke pawimawh zinga mi an ni tih sawiin, "Mipui rawngbawlna kawngah thawhhona ṭha neih a ṭul. SP hna ka rawn zawm hnuah district mipui tan police-te'n ṭangkai lehzuala hna thawh tumin ngaihtuahna ka sêng a, police-te'n hma an lo lâk tawhna, ruihhlo chungchangah ṭan lak chhunzawm zel a ṭul dawnin ka hria," a ti.

Serchhip MJA presi-dent Kapliana Pachuau pawhin thu sawiin, an district police-te chu an hnathawhnaah an hawihhâwm a, hna an thawk ṭha hlea a hriat thu a sawi a, "Thlamuang taka an awm theih avangin mipui hian police-te hnathawh pawimawhzia leh an hnathawh dan an hre lo ṭhin. Thil pawi leh buaina eng emaw a lo thlen hian an pawimawhzia a hriat leh ṭhin a ni," a ti.