SEDP hnuaia hamṭhatna Dawngtu tur zat la hre lo

Agriculture minister C Lalrinsanga chuan, an department-in kum 2019-2020 chhunga Socio Economic Development Programme (SEDP) hnuaia hamṭhatna dawng tur zat an hriat loh thu, BJP member Dr BD Chakma zawhna ziaka a chhannaah a tarlang.

C Lalrinsanga tarlan danin, SEDP chu state flagship programme a ni a, a tihhlawhtlinna atan department tam tak an inhnamhnawih a ngai. Tun dinhmunah chuan Agriculture department-in SEDP hnuaia kum 2019-2020 chhunga hamṭhatna dawng tur leh pawisa dah zat hriat a la ni lo.

Agriculture department chuan Mizoram sorkarin Final Work Plan for SEDP a siam leh siam loh leh, engtianga rei nge final work plan siam nan a ngaih dawn tih an hre lo. SEDP atana sum hmuhna Agriculture department-in an hriat loh thu tarlangin Agriculture Minister chuan, "SEDP hnuaia hamṭhatna dawng-tute chu pawisain nge, bungrua/hmanruaa pek an nih dawn pawh kan hre lo," a ti.