Minister hlui Lalrinchhana a thi

Mizoram sor­kara cabinet minis­ter hlui Lalrin­chhana (84) h/o Lily Chamdeli, Zarkawt, Aizawl chu June 18, Thawhlehni tlai dar 6:15 khan NEIGRIHMS Hos-pital, Shillong-ah pumpui cancer vangin a thi a, vawiin chhunah vui a ni ang.

Lalrinchhana s/o Lalrawna hi kum 1935-ah Sêrzáwl khuaah a piang a, a nupui Lily Chamdeli nen fa panga - mipa pali leh hmeichhia pakhat an nei.

MNF-in zalenna an sual laiin a rammu ve a, hotute zingah a tel. Kum 1987 aṭanga MNF founder president Laldenga (L) kaihhruai sorkarah minister a ni. Chumi hnu - kum 1989, 1993, 1998, 2003-ahte MNF party ticket bawkin MLA atan thlan tlin a ni leh a; minister a ni zel bawk.

Lalrinchhana ruang hi Thawhlehni zan khan Mizoram House, Shillong-ah lak phawt niin, thlahna hun hman a ni a, nimin khan an in thlenpui a ni. Vawiin chhunah vui a ni ang.