Sanitation Task Force ṭhukhawm

Lunglei DC conference hall-ah district bawrhsap V Lalsangliana kaihhruaiin February 26, Nilaini khan Lunglei Town Sanitation Task Force an ṭhukhawm

V Lalsangliana chuan, Mizoram sorkarin faina kawnga chak leh zuala hmalak a tum thu sawiin, "The Mizoram Urban Sanitation & Solid Waste Management Policy 2011 siam a ni a, policy hnuaiah hian Mizoram State Sanitation Task Force din niin, khawpui anga hma la turin Town Sanitation Task Force sor­karin a din leh a ni," a ti.

Ṭhutkhawma tarlan danin, Lunglei khawpuia VC, MUP, YMA, MHIP, Clean Lunglei, Chhimbial Chhantu, Lunglei Ṭhalai Pawl leh MJA-te Solid Waste Management Rules 2016 chungchang zirpui an ni tawh a, faina kawngah sikul hrang hrangah awareness neih tawh a ni. Vantlang inthiarna leh dawrtê inkawp pali leh vantlang inthiarna pangngai 25 sak zawh tawh a ni bawk.