LADC hmasawnna tur sawiho

Lawngtlai DC Sha­shanka Ala chuan nimin khan Lai Autonomous District Council (LADC) chief executive member (CEM) T Za­kunga chu a pisaah lèn chilh­in, LADC chhung hmasawnna turte a sawipui.

CEM T Zakunga chuan, DC-in LADC hnathawh dan hre duha a tlawh leh LADC chhung­a hmasawnna chungchang a sawipui chu lawmawm a tih thu a sawi a, "Ram hmasawnna tur leh mipui hamṭhatna tur vei tlang ṭheuh kan nih avang­in theihtawp chhuaha hmalakho zel kan inhuam. Ram mipui tana hna kan thawhna kawng­ah district administration leh LADC lama hmalakna inthuah leh inkalh a awm loh nan felfai taka inràwn hmasak ṭhin a pawimawh," a ti.

Shashanka Ala chuan, thingtlang, a bikin Lawngtlai district khawthlang lama zirna-in kal ṭha lo lutuk leh nu leh pate'n an fate sikul kaltir nachang an hre lo chu a vei thu sawiin, "Zirna pawimawhzia tlangaupui leh suma ṭanpuina lam hawia hmalak kan tum. LADC chhung bika hmasawnna hna thawhte pawh khawpui lam chauha kalpui loin, thingtlang kilkhawr ber thlengin inkhai rual taka thawh a ṭul," a ti a; hmasawnna hna thawk turin district administration leh 

LADC ṭanho a pawimawh thu a sawi. Inkawmnaah hian LADC executive member (Education) Laltlawm­lova Chinzah leh executive secretary H Lalramenga te pawh an tel a ni.