NEWS TAWI

Mizoram People's Conference (MPC) party chuan thuchhuah siamin, 'Sem policy' vanga Mizoramin mahni kêa dinna kawng a la zawh hlei thei lo chu lung­chhiat thlak an tih tak zet thu an tarlang.

MPC chuan, miin 'Rangva kan sem ang, nuai khat kan sem ang' an tih chuan an sem mai tih sawiin, "Nuai thum kan sem ang, ti pawl an awm ve leh a, an sem leh lem hlei lo a. Mipui rilru puthmang tihchhiatna ve ve policy a ni tih mipui hriatah kan puang a ni," an ti.

Disaster Management & Rehabilitation department leh Khawzawl District Disaster Management Authority chuan February 26, Nilaini khan Khawzawl Zuchhip YMA Hall-ah chhiatrupna thlen thulha chêt lâk dan tur leh a kaihhnawih ṭul leh pawimawh hrang hrang inzirtirna an buatsaih. Training hi ni thum awh tur niin, Khawzawla zirna-in hrang hranga zirtirtu te, Village Disaster Management Committee member te, tlawmngai pawl aiawhte leh sorkar hnathawkte tana buatsaih a ni.

INC member Zodintluanga zawhna ziaka chhangin Tourism minister Robert Romawia Royte chuan China contingent-te chawimawina leh Peace Pay Programme Vanapa Hall-a neih takah cheng nuai 30 sen a nih thu a tarlang.

Robert Romawia tarlan danin, delegate-te thil pek atan Rs. 10,00,065, delegate-te thlen man ei man etc. atan Rs. 5,17,400, sound, artist, refreshment etc. atan Rs. 9,57,481 leh invitation, lehkhabu print man, publicity leh meeting allowance atan Rs. 5,29,319 hman a ni.