Mizoramah private hospital 27 a awm

Health & Family Welfare minister Dr R Lalthangliana chuan ZPM member C Lalsawivunga zawhna ziaka chhángin, Mizoram pumah private hospital (kohhran enkawlte telin) 27 a awm thu a tarlang.

Health minister tarlan danin, Aizawlah private hospital 17 a awm a; Lungleiah private hospital pali, Champhaiah pahnih, Kolasib, Serchhip, Lawngtlai, leh Siahaah pakhat ṭheuh a awm bawk. Private hospital 27 zingah hian paruk chu kohhran enkawl a ni.

Health minister Dr R Lalthangliana chuan, Aizawl Civil Hospital (ACH)-ah doctor a ngheta thawk (regular) 95 leh contract-a thawk pali an awm mek thu te, ACH-ah dental ward tur siam peih ni mah se, thawktu indaih loh vangin a taka kalpui theih a la nih loh thu te, ACH-a doctor indaih lohna tiziaawm turin doctor lak belh tumna a awm thute a tarlang bawk.