The Chainsmokers-in Social media chawlhsan rih

American electronic DJ leh production duo, The Chainsmokers chuan hunrei lote chhung atan social media-a an account hrang hrangah chawlh an lak rih thu an tarlang.

Heng Facebook, Twitter, Instagram leh adangte-ahte hian The Chainsmokers chuan music lama bung thar an kai dawn avanga social media chawlhsan rih tur an nih thu an tarlang a, mawl mang taka social media tawpsan mai an ni lo tih an tarlang. Thuchhuah an siam hian fan-te hrilhhai lutuk tur a tiziaawm awm e.

The Chainsmokers hian an album tihchhuah thar tur atan ngawrh tak hmalak an tum hle niin a lang a, social media lama chawlh lak an tum chhan ber pawh hi heihi niin a lang. An thuchhuah siamah hian an fan-te an ngaih tur thu pawh tarlangin, fan-te chu khawlaiah an inhmuh chang pawha zak miah loa lo be ṭhin turin an chah. An album palina tur an peihfel hunah social media-a an lo kir leh dawn thu pawh an tarlang tel a ni.