Chhawmdawlna in pathumah rizai hlân a ni
Serchhip district Beti Bachao Beti Padhao (BBBP) chuan nimin khan International Women’s Day pualin Serchhipa chhawmdawlna in pathum - Unity Orphanage Home, Zoar Urban Deprived Childrens Home leh Old Age Home-ahte rizai (blanket) 15 ṭheuh an hlân.
Unity Orphanage Home-ah naupang pariat, Zoar Urban Deprived Childrens Home-ah naupang 15 leh Old Age Home-ah mi pali an awm mek a; an hnenah hian Serchhip BBBP nodal officer Dr Manesia Khaimeichho hoin Women Welfare officer V Lalruatsangi leh district Mahila Shakti Kendra coordinator VL Remruatpuii ten ṭanpuina an hlan a ni.