Infiammite tana 5% hauhah recommendation dil tam

Sports & Youth Services minister Robert Romawia chuan, MNF sorkarin infiammite tana sorkar hna laka 5% a zuah (reservation)-ah recommendation dil an tam thu Assembly House a hrilh.

MNF member Zothantluanga zawhna kal zelah Sports Minister chuan, infiammite tana sorkar hnathawk laka 5% hauhsak chu an chan theihna atan department-a recommendation dil an tam thu a sawi a, "Reservation siam a nih hnu hian Covid-19 avangin hna lâk a awm ta meuh lo. Reservation hian direct recruitment chiah a huam a ni," a ti.

Robert Romawia chuan, reservation chu infiammite'n an chhawr ṭangkai zel tur thu sawiin, "Reservation hian a huam chin mumal taka siam vek a ni," a ti a; reservation criteria-in a huam lohte tan chuan reservation chu chhawr ṭangkai theih a nih loh thu a sawi.